القائمة الرئيسية

الصفحات

إمتحان البنك الأهلى اللغة الإنجليزية + IQ أخر تحديث

شرح تجربتى الشخصية فى تأدية إمتحان الإنجليزى فى البنك الأهلى والنجاح فى الإمتحان أخر تحديث وإمتحان الــ IQ.

إمتحان البنك الأهلى

حرصا من موقع وظائف مصرية على تقديم أحدث المعلومات للمتقدمين للوظائف فى البنوك اليوم إن شاء الله هحكيلكم تجربتى الشخصية فى تأدية إمتحانات البنك الأهلى المصرى والدروس المستفادة من تجربتى وأنا دخلت إمتحان البنك الأهلى المصرى فى شهر 6 تقريبا من عام 2019 ودا أخر نظام للبنك الأهلى المصرى فى الإمتحانات والنظام الجديد ولم يتم تغييره حتى الأن على ما أعتقد أنا نجحت فى إمتحان اللغة الإنجليزية ولم أوفق فى إمتحان IQ وهعرفك فى التديونة دى لى نجحت فى إمتحان اللغة الإنجليزية وليه منجحتش فى إمتحان IQ  وماذا يجب عليك فعله لكى تنجح فى إمتحان البنك الأهلى المصرى وتوصل للمقابلة الشخصية الى هنتكلم عنها فى تدوينة تانية .

إقرأ أيضا :: التسجيل فى وظائف البنك الأهلى المصرى 

إمتحان البنك الأهلى المصرى - اللغة الإنجليزية

الإمتحان الأول هو إمتحان اللغة الإنجليزية بتوصل لك رسالة على الهاتف مفاد الرسالة هو ميعاد تأدية إمتحانات البنك الأهلى المصرى وبتكون محدد فيها وقت الإمتحان بعد ما حضرتك بتروح فى العنوان المحدد فى الرسالة وغالبا بيكون فى شارع التسعين الشمالى بمبنى البنك الأهلى المصرى قسم الموارد البشريه وبتكون المواعيد من 10ص إلى 2 م بتدخل المبنى بيتم دخول قاعة الإمتحان مجموعات بتتراوح ما بين 25 فرد .

بعد دخول القاعة بيتم توزيع كل فرد على جهاز كمبيوتر فيه مسئول بيتلو بعض التعليمات منها وقت الإمتحان وشكل الأسئلة وبعض التعليمات التنظيمية .

شكل إمتحان اللغة الإنجليزية فى البنك الأهلى المصرى

فى الجزء العلوى تحدثت عن بعض ظروف وتنظيمات الإمتحان الأن هنتكلم عن شكل إمتحان اللغة الإنجليزية فى البنك الأهلى الإمتحان بيكون فيه أقسام إستماع ودا عبارة عن فى الأول كام سؤال سهلين جدا وبعد كدا كام سؤال كمان فيهم تفكير بيكون عبارة عن مقطع صوتى بتسمعه وبيكون على مقطع مجموعة من الأسئلة إختيارات  بتجاوب عليها ولكن لا تستهين بالجزء الإستماع من الإمتحان الجزء الثانى من الإمتحان بيكون مجموعة من القطع النصية وأسئلة على القطع بتقرأ القطع كويس وبعدين بتجاوب عليها وتقريبا باقى الإمتحان بيكون عبارة عن ثطع صغيرة ومتوسطة وبتجاوب على أسئلة متعلقه بيها وبيكون فى جزء ثالث من الإمتحان ودا الأصعب قطع ناقصه وأنت بتكملها من خيالك بحروف الجر والأزمنه والظروف .

كيفية النجاح فى إمتحان اللغة الإنجليزية فى البنك الأهلى 

أول شئ يجب عليك فعلة هو تنمية قدرة الإستماع listening لأن جزء كبير من الإمتحان متعلق بالإستماع listening وعشان تنمى القدرة لاتحتاج لمعجزة فقط محتاج إنك تبحث عن فديوهات لناي بتتكلم إنجليزى وإنت شايف الكلام الى هما بيقولوه ودا من تعمله من خلال اليوتيوب أو من خلال مواقع كتير بتقدم lyrics  للأفلام وللبرامج وإبدع إنت بقا قدامك شهر لو كل قضيت نصف ساعه فى تنمية الموهبة دى إن شاء الله هتنجح فى إمتحان البنك الأهلى وهتتقدم كتير فى تعلمك للغة الإنجليزية ودا عن تجربة من الصفر .

ثانى شئ هو ضرورة تعلم القواعد اللغوية للغة الإنجليزية وخصوصا حروف الجر والأزمنه والظروف لأن عليها جزء كبير فى الإمتحان وياريت تدرب نفسك على قراءة كتب أو مقالات باللغة الإنجليزية عشان تعرف إزاى تكمل الأسئلة المتعلقة بالقواعد وحروف الجر فى الإمتحان وهو الـ writing .

الجزء الثالث وهو إنك تحاول تعرف كلمات كتير فى اللغة الإنجليزية وياريت كل يوم تعرف على الأقل 50 كلمة جديدة وتقرأ مقالات عامه باللغة الإنجليزية عشان تقدر تستوعب reading القطع الى فى الإمتحان .

مجموعة مواقع يمكنك الإستعانة بيها فى التعلم والتدريب على إمتحان اللغة الإنجليزية فى البنك الأهلى :-

إمتحان البنك الأهلى المصرى - IQ

فى السابق كان هذا الإمتحان سهل جدا وبسيط عبارة عن أشكال هندسية فقط وهو ما يعرف logical تقوم بحل هذه الأشكال وينتهى كل شئ ولكن فى النظام الجديد ينقسم الإمتحان إلى ثلاث أقسام وهم كلأتى :


القسم الأول logical :- وهو عبارة عن أشكال هندسية أحجية ناقصة شكل ما ويجب عليك إختيار الشكل المناسب من الإختبارت حسب الترتيب المنطقى للأشكال وهى فى الغالب تكون أسهلة بسيطة مهما تعقدت .
إمتحان البنك الأهلى
القسم الثانى numerical : وهى عبارة عن مسائل تعطيك مدخلات معينة وتطلب منك التحليل وإستخراج مخرجات أخرى أو تحليل النتائج وعقد المقارنات لمعرفة قيمة ما معينة أو أى القيم أكثر مثل إستخرج أى الأشهر كانت فيه أرباح س أكبر من ص وهكذا وهى تحتاج لبعض التدريب قبل دخول الإمتحان لكى لا تتفاجئ بها فى الإمتحان .
إمتحان البنك الأهلى
القسم الثالث verbal: وهى عبارة عن قطع باللغة الإنجليزية ويوجد أسئلة على تلك القطع يجب عليك إجابتها ولكن الموضع لايترتب فقط على فهمك للقطع بل يحتاج أيضا للذكاء والتركيز .

إمتحان البنك الأهلى


لماذا لم أوفق فى إمتحان IQ البنك الأهلى المصرى وكيفية النجاح فى إمتحان IQ ؟

السبب الرئيسى هو إنى كنت تعبان جدا ومنمنتش كويس قبل الإمتحان وبسبب إن لو نجحت فى إمتحان اللغة الإنجليزية بتدخل بعده ىف نفس الوقت الإمتحان التانى وهو IQ ودا كان مخلينى تعبان جدا مقدرتش أركز عشان كدا لازم تروح فايق ونايم كويس ومركز تانى سبب إنى متستغلتش الوقت كويس وكنت بتضيع الوقت وأحل الأسئلة التجريبية فى الإمتحان الى معليخاش درجات ودا ضيع منى وقت كبير خلانى أخلص الإمتحان من غير ما أحل تلت الأسئلة الى عليها درجات تقريبا ودا سببه كان قلة التركيز والتعب السبب الثالث هو عدم معرفتى بالنظام الجديد للإمتحانات فى البنك الأهلى وكنت متخيل أنه logical فقط عشان كاد ركزت جدا على الأشكال الهندسية لأنى كنت متخيل إن الإمتحان كله أشكال هندسية .

طيب تعمل أيه عشان تنجح فى الإمتحان أول حاجه تروح نايم وواكل كويس جدا ولابس شيك جدا وواثق من نفسك تانى حاجه حل الأسئلة الى عليها درجات فقط وتديش السؤال أكتر من وقتة أفهم إن الإمتحان ثلاث أقسام وأدى كل قسم وقته فقط .

لازم تكون مدرب على جميع أنواع الأسئلة إلى فى إمتحان IQ البنك الأهلى ودى روابط هتساعد فى النجاح فى الإمتحان وياريت كما تبحث فى جوجل عن أسئلة تخص كل قسم من الإمتحان وتدرب عليها كويس .

بالإضافة إلى ذلك إليك قائمة من الملفات يجب عليك تحميلها ماتريال إمتحانات البنك الأهلى المصرى هامه جدا للتدريب على جميع أسئلة الإمتحانات .


التدوينة القادمة بإذن الله عن المقابلة الشخصية فى البنك الأهلى Personal interview وكيفية إجتيازها بنجاح قم بالإعجاب بصفحة وظائف مصرية على الفيس بوك للمزيد من الوظائف والمقالات المفيدة فى مجال التوظيف والتأهيل والتدريب .

للمزيد من الوظائف الحقيقه والجاده والمنتقاه بعناية قم بالإنضمام لمجموعة وظائف مصرية على الفيس بوك
‏وظائف مصرية‏
مجموعة ‏خاصة‏ · عضو واحد
انضمام إلى المجموعة
لو عاوز تعرف جديد الوظائف الحقيقه الى موجوده فى سوق العمل يبقى لازم تعمل لايك لصفحة وظائف مصرية على الفيس بوك من الرابط الأتى : صفحة وظائف مصرية  هدف الصفحة نشر الوظائف الحقيقه فى سوق العمل وطرق التواصل مع مقدم الوظيفة دون سرقة بيانات المتقدمين وتضليلهم .

هل اعجبك الموضوع :